Një konflikt në familje, për pak sa nuk është kthyer në tragjedi mëngjesin e sotëm në Vlorë.
Policia e ka parandaluar atë, duke vënë në pranga shtetasin Qeriman Maraj.
Ky i fundit mëngjesin e sotëm, në lagjen “Pavarësia”, pas një konflikti për motive të dobëta, ka tentuar të vrasë me armë zjarri tip Pistoletë, bashkëjetuesen e tij, shtetasen Sh.Sh., 29 vjeçe, në banesën e saj, në sy të dy fëmijëve të mitur.
Fatmirësisht uniformat blu kanë ndërhyrë në kohë, duke bërë të mundur neutralizimin e personit, si dhe bllokimin në cilësinë e provës materiale të armës së zjarrit bashkë me 1 krëhër dhe 15 copë fishekë të kalibrit 9 mm.
Autori bashkëjetonte me 29-vjeçaren, e cila nga martesa e parë ka edhe dy fëmijët e mitur.
Njoftimi i Policisë
Policia ndërhyn në kohë dhe parandalon një vrasje në familje !
Sekuestrohet arma e zjarrit, kapet dhe arrestohet autori !
Arrestohet në flagrancë shtetasi:
– Qeriman Maraj, 33 vjeç, banues në Vlorë.
Policia e Vlorës pas sinjalizimit për një konflikt në familje menjëherë ka shkuar në vendngjarje dhe ka konstatuar se:
Mëngjesin e sotëm, në lagjen “Pavarësia”, shtetasi Qeriman Maraj, ka tentuar të vrasë me armë zjarri tip Pistoletë, bashkëjetuesen e tij, shtetasen Sh.Sh., 29 vjeçe, në banesën e saj.
Nga hetimet e kryera ka rezultuar se konflikti ka nisur për motive të dobëta brenda në banesë, në prezencë të dy fëmijëve të mitur.
Policia bëri të mundur neutralizimin e personit si dhe bllokimin në cilësinë e provës materiale të armës së zjarrit bashkë me 1 krëhër dhe 15 copë fishekë të kalibrit 9 mm.